دہلی میٹرو میں سانپ کی افواہ سے افراتفری

نئی دہلی،٢٠ جون  (ذرائع) دہلی میٹرو کے خواتین ڈبہ میں سانپ  ہونے  کی افواہ پر افراتفری مچ گئی۔ عورتیں سیٹوں پر چڑھ گئیں اور دوسرے ڈبوں میں جانے کی کوشش کرنے لگیں۔

ایک خاتون مسافر نے چیخ ماری تھی کہ اس نے سانپ کی دم دیکھی ہے۔ کسی اور



کو سانپ نہیں دکھائی دیا لیکن خاتون مسافرین گھبراگئیں اور اسٹیل کی سیٹوں پر چڑھ گئیں۔بوگی کی بعدازاں جانچ میں ایک چھوٹی چپکلی برآمد ہوئی۔ ایک عہدیدار نے جمعہ کے دن یہ بات بتائی۔ میٹرو بلولائن کے ڈبہ کا یہ ویڈیو سوشل میڈیا پر جمعرات کے دن وائرل ہوا۔