مریکہ کی ریاست جارجیا میں ایک مصروف ہائی وے پر چھوٹے طیارے کی ہنگامی لینڈنگ

امریکہ 10 فروری 2026 )اعتماد نیوز) مریکہ کی ریاست جارجیا میں ایک مصروف ہائی وے پر طیارے کی ہنگامی لینڈنگ کے باعث کئی گاڑیوں کو نقصان پہنچا۔ یہ واقعہ اس وقت پیش آیا جب ایک سنگل انجن تربیتی طیارہ تکنیکی خرابی کے باعث ہنگامی لینڈنگ کی کوشش کر رہا تھا۔امریکی نیشنل ٹرانسپورٹ سیفٹی بورڈ کے حکام کے مطابق اس حادثے میں کئی افراد زخمی ہوئے ہیں جس کے بعد سڑک کو بند کر دیا گیا۔ اس واقعے کی ویڈیو سوشل میڈیا پر تیزی سے وائرل ہو رہی ہے۔ویڈیو میں دیکھا جا سکتا



ہے کہ جب ہائی وے پر متعدد گاڑیاں موجود تھیں، اچانک ایک طیارہ سڑک پر لینڈ ہوا اور گاڑیوں سے ٹکرا گیا۔ حکام نے بتایا کہ لی گِلْمَر میموریل ایئرپورٹ سے کینٹن میں واقع چیروکی کاؤنٹی ایئرپورٹ کی جانب روانہ ہونے کے کچھ ہی دیر بعد پائلٹ نے طیارے کے انجن میں تکنیکی خرابی محسوس کی۔چونکہ طیارے کو واپس ہوائی اڈے تک لے جانے کے لیے مناسب وقت نہیں تھا، اس لیے فوری طور پر ہائی وے پر لینڈنگ کرنا پڑی۔اس واقعے کی تحقیقات فیڈرل ایوی ایشن ایڈمنسٹریشن (FAA) کی جانب سے کی جا رہی ہیں۔