اٹاوہ میں سڑک حادثہ میں چھ افراد ہلاک

اٹاوہ،20 مئی (یواین آئی) اترپردیش کے ضلع اٹاوہ کے فرینڈس کالونی تھانہ علاقہ میں ٹرک کی زد میں آنے سے پک اپ گاڑی پر سوار چھ سبزی فروشوں کی موت ہو گئی جبکہ ایک شدید زخمی ہو گیا۔

پولیس ذرائع نے بتایا کہ پکے باغ کے پاس منگل اور بدھ کی درمیانی شب کے د رمیان یہ حادثہ اس وقت



ہوا جب ایک تیز رفتار ٹرک ڈیوائڈر توڑتے ہوئے سڑک کی دوسری طرف آ گیا اور مخالف سمت میں جا رہے کٹھل لدے پک اپ وین پر پلٹ گیا۔

اس حادثے میں پک اپ پر سوار چھ سبزی فروشوں کی موقع پر ہی موت ہو گئی جبکہ شدید زخمی ایک شخص کو ڈاکٹر بھیم راؤ امبیڈکر سرکاری اسپتال میں داخل کرایا گیا ہے۔