سنگاپور میں ٹرینوں کا تصادم، 25 افراد زخمی

سنگاپور/15نومبر(ایجنسی) سنگاپور میں بدھ کی صبح دو ٹرینوں کے تصادم کے نتیجے میں کم از کم 25 افراد زخمی ہو گئے۔ بتایا گیا ہے کہ بدھ کی صبح مقامی وقت کے مطابق آٹھ بج کر انیس منٹ پر یہ حادثہ اس وقت پیش آیا، جب ایک



ساکن ٹرین سے دوسری ٹرین ٹکرائی۔ حکام کے مطابق اس واقعے میں 23 مسافروں کے علاوہ عملے کے دو ارکان زخمی ہوئے ہیں، جنہیں طبی مدد دی جا رہی ہے۔ سن 1993 کے بعد سنگاپور میں ٹرین کے حادثے کا یہ پہلا واقعہ ہے۔ تب دو ٹرینوں کے درمیان تصادم کے نتیجے میں ڈیڑھ سو سے زائد افراد زخمی ہوئے تھے۔