بنگلورو کی پتھر کی کان میں دلخراش حادثہ، چٹان گرنے سے 7 مزدور ہلاک

ذرائع:

کرناٹک کے دارالحکومت بنگلورو کے مضافاتی علاقے میں واقع ایک پتھر کی کان میں پیش آنے والے المناک حادثے میں کم از کم سات مزدور ہلاک ہو گئے، جب کہ کئی دیگر کے ملبے تلے دبے ہونے کا خدشہ ظاہر کیا جا رہا ہے۔ حکام کے مطابق ہلاکتوں میں اضافے کا امکان ہے، کیونکہ امدادی کارروائیاں تاحال جاری ہیں۔یہ حادثہ بنگلورو کے نواحی علاقے مداپٹنا



گاؤں میں پیش آیا، جو تاوارے کیرے پولیس اسٹیشن کی حدود میں واقع ہے۔ اطلاعات کے مطابق کاویری کمپنی کی پتھر کی کان میں مزدور معمول کے مطابق کام کر رہے تھے کہ اچانک ایک بہت بڑی چٹان کھسک کر ان پر آ گری۔ چٹان کے نیچے کئی مزدور دب گئے، جس کے نتیجے میں سات افراد موقع پر ہی جان کی بازی ہار گئے۔ ہلاک ہونے والے تمام مزدوروں کا تعلق بہار اور جھارکھنڈ سے بتایا جا رہا ہے۔