ظہیر آباد: اسکول بس میں اچانک آگ ، ڈرائیور نے سانحہ سے بچا لیا

 پیر کی شام ضلع ظہیرآباد ٹاؤن میں ایک اسکول بس ڈرائیور نے اپنی حاضر دماغی سے ایک بڑے حادثے کو ٹال دیا۔ بس کے انجن سے دھواں اٹھتا دیکھ کر ڈرائیور نے فوراً تمام طلبہ کو نیچے اترنے کا حکم دیا۔ واقعہ اس وقت پیش آیا جب بس بیدر کراس روڈ پر ایک طالب علم کو اُتارنے کے



لیے رکی تھی۔ اسی دوران ڈرائیور نے انجن سے دھواں نکلتے دیکھااور کچھ ہی دیر میں آگ نے بس کو اپنی لپیٹ میں لینا شروع کردیا۔ ڈرائیور کی فوری کارروائی کے باعث تمام طلبہ بحفاظت بس سے باہر آگئے۔ مقامی افراد موقع پر پہنچے اور آگ پر قابو پالیا۔ بعدازاں اسکول کے طلبہ کو دوسری بس کے ذریعے محفوظ طور پر ان کے گھروں تک پہنچا دیا گیا۔