محبوب نگر قومی شاہراہ پرخوفناک سڑک حادثہ،6افراد ہلاک،دو کی حالت تشویشناک

ذرائع:

محبوب نگر:محبوب نگر قومی شاہراہ پر ایک خوفناک سڑک حادثہ پیش آیا۔ ایک تیز رفتار ڈی سی ایم نے بالا نگر کے قریب کھڑے ایک آٹو اور بائک کو ٹکر مار دی۔ اس واقعہ میں آٹو میں سوار چھ لوگوں کی برسرموقع موت ہو گئی۔ آٹو میں سوار دو دیگر کی حالت تشویشناک ہے۔ زخمیوں کو مقامی اسپتال منتقل کر دیا گیا۔مرنے والوں کی شناخت میڈی گڈہ تانڈہ،



نندرم اور بی بی نگر تانڈہ کے رہائشیوں کے طور پر ہوئی ہے۔ وہ تانڈوں سے بالا نگر میں ہفتہ واری بازارکے لئے آئے ہوئےتھے۔ یہ حادثہ اس وقت پیش آیا جب وہ سبزی اور دیگر اشیاء خرید کر آٹو سےواپس آرہے تھے۔ اس حادثہ کے بعد مقامی لوگ شدید برہم ہوگئے۔ کئی مشتعل افراد نے آگ لگا دی۔ اس واقعہ کی وجہ سے قومی شاہراہ 44کے دونوں جانب ٹریفک میں خلل پڑااور2 سے 3 کلومیٹر تک ٹریفک جام رہی۔