حیدرآباد 5 اپریل 2026 (اعتماد نیوز) حیدرآباد کے علاقے مادھاپور میں ایک خوفناک سڑک حادثہ پیش آیا، جہاں ایک ڈی سی ایم گاڑی نے اسکوٹی کو ٹکر مارنے کے بعد تقریباً 5 کلومیٹر تک گھسیٹ کر لے گئی.اس حادثے میں اسکوٹی پر سوار 22 سالہ عائشہ اور ان کے شوہر عبدالباسط شدید زخمی ہو گئے۔ واقعہ کے بعد نوجوانوں نے جوبلی ہلز کے قریب ڈی سی ایم کو روک کر کلینر کو پولیس کے حوالے کر
دیا، جبکہ ڈرائیور موقع سے فرار ہو گیا۔مقامی افراد نے زخمی میاں بیوی کو فوری طور پر ہاسپٹل منتقل کیا، تاہم عائشہ دورانِ علاج دم توڑ گئیں، جبکہ عبدالباسط زیر علاج ہیں بتایا گیا ہے کہ یہ جوڑا کیرالا سے تعلق رکھتا ہے اور شہر کے مہیشورم میں مقیم تھا اور ملابار جویلرس میں کام کرتا تھا۔پولیس نے مقدمہ درج کر کے فرار ڈرائیور کی تلاش شروع کر دی ہے اور واقعے کی مزید تحقیقات جاری ہیں۔