بنگلور: کا نفیڈنٹ گروپ کے چیئرمین سی جے رائے جاں بحق، انکم ٹیکس چھاپے جاری

ذرائع:

بنگلور سے موصولہ اطلاعات کے مطابق کنفیڈنٹ گروپ کے چیئرمین اور معروف تاجر سی جے رائے جمعہ کے روز اپنے دفتر میں جاں بحق پائے گئے۔ پولیس کا کہنا ہے کہ جب یہ واقعہ پیش آیا تو انکم ٹیکس ڈپارٹمنٹ کی جانب سے ان کی کمپنیوں پر تلاشی کارروائیاں جاری تھیں، جو دو سے تین دن سے چل رہی تھیں۔ حکام کے مطابق ابتدائی تحقیقات میں کچھ غیر واضح مالی بے ضابطگیوں



کے شبہے پر چھاپے مارے جا رہے تھے۔ پولیس کمشنر سیمانتھ کمار سنگھ نے بتایا کہ اہلِ خانہ سے رابطہ کیا جا رہا ہے اور معاملے کی مزید تحقیقات جاری ہیں۔ سی جے رائے جنوبی ہند کے رئیل اسٹیٹ سیکٹر کی ایک نمایاں شخصیت تھے اور فلمی صنعت سے بھی وابستہ رہے، جہاں انہوں نے متعدد پروجیکٹس پروڈیوس کیے، جبکہ ان کا ادارہ مشہور ٹی وی ریئلٹی شو بگ باس ملیالم کا بھی ٹائٹل اسپانسر رہا ہے۔