نظام آباد میں دن دہاڑے قتل، یوٹیوبر ویشنوِی کے شوہر کو تین حملہ آوروں نے مار ڈالا

ذرائع:

تلنگانہ کے نظام آباد شہر میں یوٹیوبر ویشنوِی کے شوہر کا دن دہاڑے قتل کرکے تین حملہ آور فرار ہوگئے. تفصیٖلات کے مطابق نظام آباد کے راجاراجیندر چوراہے پر تین نامعلوم افراد نے کورٹلہ کے ہری بابو کو ناریل کاٹنے والی چھریوں سے حملہ کرکے قتل کردیا۔ شدید زخمی ہری بابو نے موقع پر ہی دم توڑ دیا۔ہری بابو گزشتہ مارچ میں اپنی بیوی اور یوٹیوبر



ویشنوِی کے قتل کیس کا اہم ملزم تھا اور حال ہی میں ضمانت پر جیل سے باہر آیا تھا۔ پولیس کو شبہ ہے کہ اس کا قتل ویشنوِی قتل کیس کے بدلے یا پرانی دشمنی کے نتیجے میں کیا گیا۔پولیس نے نعش کو نظام آباد سرکاری جنرل ہاسپٹل منتقل کردیا ہے۔ تینوں حملہ آور واردات کے بعد فرار ہوگئے۔ پولیس سی سی ٹی وی فوٹیج کی مدد سے ملزمین کی تلاش میں مصروف ہے اور قتل کی اصل وجہ کا پتہ لگایا جارہا ہے۔