بارابنکی میں بس اور ٹرک کی ٹکر، نو افراد ہلاک ، متعدد زخمی

بارابنکی ، 7 اکتوبر (یو این آئی) اتر پردیش کے ضلع بارابانکی کے دیوا علاقے میں آج صبح سویرے ایک بس اور ٹرک کے درمیان زبردست ٹکر میں کم از کم نو افراد ہلاک اور متعدد زخمی ہوگئے پولیس ذرائع نے بتایا کہ دہلی سے بہرائچ جانے والی ڈبل ڈیکر بس دیوا کے علاقے بابوریہ گاؤں کے قریب کسان



شاہراہ پر مخالف سمت سے آنے والے ٹرک سے ٹکرا گئی  اس حادثے میں نو افراد کی موت اور کئی زخمی ہوگئے  زخمیوں کو بارابنکی اور لکھنؤ کے ٹراما سینٹرز میں بھیجا گیا ہے۔ مرنے والوں کی تعداد بڑھ سکتی ہے۔

انہوں نے بتایا کہ اطلاع ملنے پر پولیس نے موقع پر پہنچ کر راحت اور بچاؤ مہم شروع کی۔