ایم ایل اے عباس انصاری کو دو سال کی سزا

مو، 31 مئی (یو این آئی) اتر پردیش میں ضلع مؤ کے صدر اسمبلی حلقہ سے ایم ایل اے عباس انصاری کو نفرت انگیز تقریر کیس میں ایم پی ایم ایل اے کورٹ نے قصور وار ٹھہراتے ہوئے دو سال قید اور 11 ہزار روپے جرمانے کی سزاسنائی ہے۔ 

ہفتہ کو ایم پی ایم ایل اے کورٹ کے حج ڈاکٹر کرشنا پرتاپ سنگھ نے صبح ہی مرحوم مختار انصاری کے ایم ایل اے بیٹے اور ان کے ایک ساتھی منصور انصاری کو



ہیٹ اسپیچ کیس میں قصور وار قرار دیا تھا۔ قصور وار قرار دینے کے ساتھ ہی دونوں لوگوں کو پولیس نے اپنی تحویل میں لے لیا۔ مختلف دفعات میں قصور وار پاتے ہوئے عباس انصاری کو دو سال قید اور الگ الگ دفعات سے جوڑی گئی کل رقم 11 ہزار روپے جرمانے کی سزاسنائی گئی ، نیز ایم ایل اے عباس انصاری کے الیکشن ایجنٹ اور ساتھی منصور انصاری کو 120 بی کے تحت 6 ماہ کی سزا اور ایک ہزار روپے جرمانہ لگایا گیا۔