راجندر نگر میں چارسالہ بچی پر کتوں کا حملہ

حیدرآباد،1 فروری(ذرائع) حیدرآباد کے راجندر نگر میں کتے کے کاٹنے کے ایک اور واقعہ پیش آیا- اس واقعہ میں ایک چار سالہ بچی پر کتوں نے حملہ کردیا۔ شکر ہے کہ کوئی بھی ناخوشگوار واقعہ رونما ہونے سے پہلے ہی بچی کو بچا لیا گیا۔ یہ واقعہ جمعہ 31 جنوری کی شام کو پیش آیا جب لڑکی سڑک پر کھیل



رہی تھی۔ علاقے میں نصب سی سی ٹی وی کیمروں میں دو کتے لڑکی کا پیچھا کرتے نظر آ رہے ہیں۔ اگلے منظر میں لڑکی چیختی ہے اور کتے اس پر حملہ کرتے ہیں۔ایک منظر میں، لڑکی کو کتے  گھسیٹ کر لے جاتے نظر آئے۔ بچی کی چیخ سن کر کچھ لوگوں نے کتوں کو بھگا کر بچی کو بچا لیا۔ یہ واقعہ گولڈن ہائٹس کالونی میں پیش آیا۔