تلنگانہ 14 فروری 2026 (اعتماد نیوز) تلنگانہ کے بھونگیر ضلع کے ایلا گیری میں واقع کیمکل فیکٹری میں ایک زوردار دھماکہ پیش آیا۔ مقامی سطح پر قائم برنداون کیمیکل کمپنی کے ری ایکٹر میں اچانک زور دار آواز کے ساتھ دھماکہ ہونے سے
فیکٹری میں بڑے پیمانے پر آگ بھڑک اٹھی اور گھنا دھواں پھیل گیا۔ دھماکے کی شدت سے زمین ہلنے کا احساس ہونے پر قریبی علاقوں کے لوگ خوفزدہ ہو کر باہر کی جانب دوڑ پڑے۔ تاہم فیکٹری انتظامیہ کے مطابق اس واقعہ میں کسی قسم کا جانی نقصان نہیں ہوا۔