مہاراشٹر کانگریس کے نائب صدر ہدایت اللہ پٹیل وحشیانہ حملے کے بعد جاں بحق

مہاراشٹر 7 جنوری 2026 (اعتماد نیوز) مہاراشٹرا کانگریس کے نائب صدر ہدایت اللہ پٹیل پر منگل کے روز ضلع اکولا کے موہلا گاؤں کی مسجد کے باہر ظہر کی نماز ادا کرنے کے بعد چاقو سے جان لیوا حملہ کیا گیا۔ نماز کے بعد جیسے ہی وہ مسجد سے باہر نکلے، ایک نوجوان نے ان کے گلے اور سینے پر تیز دھار ہتھیار سے وار کیا۔ شدید زخمی حالت میں مقامی افراد نے انہیں اکوت کے ایک خانگی



ہاسپٹل  منتقل کیا، جہاں وہ چہارشنبہ کی صبح دورانِ علاج زخموں کی تاب نہ لاتے ہوئے انتقال کر گئے۔پولیس نے اس معاملے میں 22 سالہ عبید خان کالو  کو گرفتار کر لیا ہے، جسے اکوت تعلقہ کے پنَج گاؤں سے حراست میں لیا گیا۔ پولیس کے مطابق حملہ پرانی رنجش کا نتیجہ ہے۔ واقعے کے بعد موہلا اور اکوت میں سکیورٹی سخت کر دی گئی ہے جبکہ پولیس نے مقدمہ درج کر کے مزید تفتیش شروع کر دی ہے۔