مدھیہ پردیش: ہسپتال سے نہیں ملی ایمبولینس تو پلنگ سے لاش لے جانے پر مجبور

بھوپال/22جولائی(ایجنسی) مدھیہ پردیش کے سہور سے انسانیت کو شرمسار کرنے والی خبر آئی ہے جہاں ایک مردہ شخص کو ہسپتال سے پلنگ پر لے جانے پر مجبور ہونا پڑا. وہیں اتھارٹی نے اپنی صفائی میں کہا کہ بھاری بارش کے بعد پانی کے بہاو کی وجہ سے ایمبولینس بھیجنے میں تاخیر ہوئی.

اس سے پہلے 10 جولائی کو جھارکھنڈ میں بھی ایک ایسا ہی واقعہ سامنے آیا تھا، جہاں ایمبولینس نہ ملنے پر



کاندھے پر لاد کر لاش کو لے جانا پڑا تھا. جبکہ ایسے ہی ایک دیگر معاملے میں چھتیس گڑھ میں بیٹی کی لاش کو ایمبولینس نہیں ملنے پر والد کو ٹھیلے کا سہارا لینا پڑا تھا.

جھارکھنڈ میں بدحال ہو چکی صحت نظام کا نمونہ تب سامنے آیا، جب پردیش کے چترا ضلع میں ہسپتال کی طرف سے ایمبولینس دینے سے انکار کرنے پر ایک شخص اور اس کی بھابھی کو اپنے لواحقین کی لاش کو خود اپنے کاندھے پر لاد کر گھر لے جانا پڑا.