شمالی سکم میں لینڈسلائیڈ، بھارتی فوج نے 1170 سیاحوں کو بحفاظت نکال لیا

شمالی سکم میں زمین کھسکنے کے باعث پھنسے سیاحوں کو ہندوستانی فوج نے ’’آپریشن ہِم سیٹو‘‘ کے تحت بحفاظت نکال لیا۔ تارامچو کے قریب سڑک بہہ جانے سے چیٹن کا رابطہ منقطع ہوگیا تھا، جس کے بعد فوج، بی آر او اور مقامی انتظامیہ نے



مشترکہ کارروائی شروع کی۔فوجی انجینئرس نے فوری طور پر عارضی پیدل پل تعمیر کیا اور برف ہٹا کر راستے بحال کیے، جس کے نتیجے میں 1170 سیاحوں اور 70 موٹر سائیکلوں کو بغیر کسی نقصان کے محفوظ منتقل کیا گیا۔

فوج نے اس کارروائی کو انسانی خدمت اور ہنگامی حالات میں فوری ردعمل کی بہترین مثال قرار دیا۔