شادی کے لیے امریکہ پہنچنے والی 24 سالہ لڑکی لاپتہ

امریکہ،30 جون (ذرائع) اپنی شادی کے لیے نیورجرسی پہنچنے والی لڑکی لاپتہ ہوگئی، اطلاعات کے مطابق سمرن نامی لڑکی 20 جون کو ریاست نیو جرسی میں  شادی کے لیے اکیلی پہنچی تھی۔ مبینہ طور پر انہیں آخری بار 25 جون کو لنڈن والڈ، نیو جرسی میں دیکھا گیا تھا۔معلوم ہوا ہے کہ سمرن کا امریکہ میں کوئی رشتہ دار نہیں ہے اور وہ انگریزی نہیں بول سکتی ہے۔ان کی گمشدگی کا علم ہونے پر، لنڈن والڈ پولیس نے تحقیقات کا آغاز کیا۔پولیس نے بتایا کہ سی سی ٹی وی کے  فوٹیج میں سمرن اپنے فون کی طرف دیکھ رہی تھی، بظاہر کسی کا انتظار کر رہی تھی۔افسران نے نوٹ کیا



کہ وہ پریشانی میں دکھائی نہیں دیتی تھی۔ان تک پہنچنا مشکل ہو گیا ہے، کیونکہ وہ وائی فائی پر منحصر بین الاقوامی فون استعمال کر رہی ہے۔ اطلاعات کے مطابق پولیس سمرن کے والدین سے رابطہ نہیں کر سکی۔

لنڈن والڈ پولیس کی طرف سے جاری کردہ تفصیل کے مطابق سمرن کا قد 5 فٹ 4 انچ ہے، وزن تقریباً 68 کلوگرام ہے اور ان کے ماتھے کے بائیں جانب ایک چھوٹا سا نشان ہے۔

انہی آخری بار گرے سویٹ پینٹس، ایک سفید ٹی شرٹ، بلیک فلپ فلاپ، اور چھوٹے ہیروں سے جڑی بالیاں پہنے دیکھا گیا تھا۔

پولیس نے عوام سے اپیل کی ہے کہ وہ کسی بھی قسم کی معلومات کے ساتھ آگے آئیں۔