مہاراشٹرا میں پیش امام پر حملہ، ہندو مذہبی نعرہ لگانے مجبور کیا گیا

جلگاؤں ۔ 13 جون (ویب ڈیسک) ریاست مہاراشٹرا میں ایک مسجد کے پیش امام کو ہندوؤں کے ایک جنونی ہجوم نے گھیر کر ان سے شرکیہ نعرے جئے شری رام لگانے پر مجبور کیا گیا تاہم اطلاع ملنے پر مجلس اتحاد المسلمین کے قائدین نے تیز رفتار کاروائی کرتے ہوئے حملہ آوروں کے خلاف شکایت درج کروائی جس پر پولیس نے مداخلت کرتے ہوئے حملہ آوروں کو گرفتار کر لیا۔ یہ واقعہ ضلع جلگاؤں یاول تعلقہ کے مرول گاؤں میں پیش آیا۔ یہاں مقامی مسجد کے پیش امام حافظ قاسم نماز کی امامت



کے لیے قریبی گاؤں پارولا گئے تھے۔ واپسی پر مبینہ طور پر انہیں 4 تا 5 افراد نے روک کر شرکیہ نعرے لگانے پر مجبور کیا۔

 گروپ نے اسے فلمایا اور سوشل میڈیا پلیٹ فارمز پر ویڈیو کو بڑے پیمانے پر پھیلا دیا۔ مجلس کے قومی ترجمان وارث پٹھان نے اس واقعہ کی سخت مذمت کی اور اس معاملے کو سینئر پولیس حکام کے ساتھ اٹھایا اور فوری کارروائی کے لیے دباؤ ڈالا۔ ان کی مداخلت کے بعد مبینہ مجرموں کے خلاف ایف آئی آر درج کر لی گئی ہے۔ پولیس کا روائی سے پریشان ایک ملزم نے ویڈیو جاری کرتے ہوئے مسلمانوں کے جذبات کو ٹھیس پہنچانے کے لیے معذرت کرتے دیکھا گیا۔