حیدرآباد 26 مارچ 2026 (اعتماد نیوز) حیدرآباد میں راجیو گاندھی انٹرنیشنل ایئرپورٹ کے قریب پولیس نے کارروائی کرتے ہوئے گوا سے غیر قانونی طور پر لائی جا رہی شراب کو ضبط کر لیا۔خفیہ اطلاع پر ایس ٹی ایف ’اے‘ ٹیم نے پہاڑی شریف علاقے میں گاڑیوں کی تلاشی کے دوران 127 شراب کی بوتلیں برآمد کیں، جن
کی کل مقدار 111.5 لیٹر اور مالیت تقریباً 2.5 لاکھ روپے بتائی گئی ہے۔پولیس نے دو مقدمات درج کیے ہیں۔ ایک معاملے میں ورنگل کے ونود کمار کے قبضے سے 32 بوتلیں برآمد ہوئیں، جبکہ دوسرے کیس میں دہلی-گوا روٹ سے جڑی 95 بوتلیں ضبط کی گئیں۔تمام ضبط شدہ شراب اور ملزمین کو میرپیٹ ایکسائز اسٹیشن کے حوالے کر دیا گیا ہے۔