حیدرآباد: عطاپور میں گاڑی چلاتے ہوئے انسٹاگرام اسٹنٹ پر تین نوجوان گرفتار

حیدرآباد کے عطاپور میں پلر نمبر 257 کے قریب بائیک اسٹنٹ اور تیز رفتاری کی ویڈیو سوشل میڈیا پر وائرل ہونے کے بعد پولیس نے تین نوجوانوں کو گرفتار کرلیا۔ پولیس کے مطابق 6 اکتوبر کی رات تینوں نوجوان بغیر نمبر پلیٹ والی ہونڈا ڈیو اسکوٹیز پر خطرناک اسٹنٹ کررہے تھے اور ویڈیو انسٹاگرام پر اپ لوڈ کی گئی تھی۔

پٹرولنگ کے دوران پولیس نے ویڈیو دیکھ کر شکایت درج



کی اور تحقیقات کے بعد محمد محی الدین عرف محین، محمد رضوان اور توحید کو گرفتار کرلیا۔

پولیس نے والدین سے اپیل کی ہے کہ نابالغوں یا بغیر لائسنس افراد کو دو پہیہ گاڑیاں نہ دیں اور بچوں کی سوشل میڈیا سرگرمیوں پر نظر رکھیں۔ پولیس نے خبردار کیا کہ بغیر نمبر پلیٹ ڈرائیونگ، ریسنگ، غلط سمت میں گاڑی چلانے اور عوامی سڑکوں پر اسٹنٹ کرنے والوں کے خلاف سخت قانونی کارروائی کی جائے گی۔