حیدرآباد میں 6 کروڑ 78 لاکھ کی جعلی کرنسی کا ریاکٹ بے نقاب، چار گرفتار

ذرائع:

حیدرآباد میں جعلی کرنسی نوٹوں کے ایک بڑے ریاکٹ کا پردہ فاش کرتے ہوئے پولیس نے 6 کروڑ 78 لاکھ روپے مالیت کے جعلی 500 روپے کے نوٹ ضبط کرلیے۔ اس معاملے میں پولیس نے چار افراد کو گرفتار کیا ہے۔ پولیس کے مطابق فیوچر سٹی کمشنریٹ اور شادنگر ایس او ٹی کی مشترکہ کارروائی کے دوران اس ریاکٹ کا انکشاف ہوا۔ ملزمین مبینہ طور پر کنٹلور میں ایک کرائے کے مکان سے جعلی



کرنسی تیار کرنے کا کام انجام دے رہے تھے، جہاں فوٹوشاپ سافٹ ویئر کے ذریعے جعلی نوٹ چھاپے جاتے تھے۔ پولیس نے کارروائی کے دوران جعلی شناختی کارڈز، کھلونا پستول اور واکی ٹاکیز بھی ضبط کیے ہیں۔ بتایا گیا ہے کہ ملزمین مبینہ طور پر پولیس اہلکار بن کر لوگوں کو دھوکہ دیتے اور ان سے اصلی رقم وصول کرتے تھے۔اس معاملے میں مزید تین ملزمین مفرور بتائے گئے ہیں، جن کی تلاش میں پولیس مصروف ہے۔