حیدرآباد میں اے سی بی کی بڑی کارروائی، تحصیلدار کے ₹6.87 کروڑ کے اثاثے بے نقاب

حیدرآباد میں اینٹی کرپشن بیورو نے آمدنی سے زائد اثاثوں کے معاملے میں دیسانی سرینواس ریڈی کے خلاف کیس درج کیا ہے۔ سرینواس ریڈی اس وقت ابراہیم پٹنم آر ڈی او دفتر میں ڈی اے او کے طور پر کام کر رہے ہیں، جبکہ اس سے قبل وہ مہیشورم کے تحصیلدار رہ چکے ہیں۔اے سی بی نے ان کی رہائش گاہ، دفتر اور دیگر مقامات سمیت تقریباً 15 جگہوں پر  بیک وقت تلاشی لی۔ حکام کے مطابق تلاشی کے



دوران تقریباً 6 کروڑ 87 لاکھ روپے سے زائد مالیت کے اثاثوں کا پتہ چلا۔ ان اثاثوں میں دو فلیٹس، جی پلس تھری پینٹ ہاؤس، زرعی اراضی، آٹھ اوپن پلاٹس، بار اور ریسٹورنٹ میں 86 لاکھ روپے کی سرمایہ کاری، 680 گرام سونا، تین کاریں، دو موٹر سائیکلیں، نقد رقم اور بینک بیلنس شامل ہیں۔ اے سی بی کے مطابق یہ اثاثے سرینواس ریڈی کی معلوم آمدنی کے مقابلے میں غیر متناسب ہیں۔ معاملے کی مزید تحقیقات جاری ہیں۔