چلکلگوڑہ قتل کیس حل، دو ملزمان گرفتار

سکندرآباد زون کے چِلکلگوڑہ پولیس نے قتل کے ایک سنسنی خیز معاملے کو حل کرتے ہوئے دو ملزمان کو گرفتار کر لیا ہے۔ ڈی سی پی رکشِتا کرشن مورتی نے پریس کانفرنس میں تفصیلات بتاتے ہوئے کہا کہ یہ واردات 23 تاریخ کو پیش آئی۔ مقتول محمد علیم، جو پیشے سے اے سی ٹیکنیشن تھا، اپنے جاننے والوں نجم الدین اور سید الیاس کے ساتھ اکثر وقت گزارتا تھا۔ پولیس کے



مطابق ملزمان نے پہلے سے منصوبہ بندی کے تحت محمد علیم کو پدماراؤ نگر کے ایک وائن شاپ لے جا کر شراب پلائی۔ نشے کی حالت میں جھگڑا ہونے کے بعد دونوں ملزمان نے اس پر حملہ کیا، جس کے دوران سید الیاس نے چاقو سے گردن اور سینے پر وار کیا۔ شدید زخمی حالت میں علیم کو گاندھی اسپتال منتقل کیا گیا، تاہم وہ جانبر نہ ہو سکا۔ واقعہ کے بعد پولیس نے فوری کارروائی کرتے ہوئے دونوں ملزمان کو گرفتار کر کے ریمانڈ پر بھیج دیا ہے۔