احمد آباد میں جگن ناتھ رتھ یاترا کے دوران بالکونی گر گئی: ایک کی موت

یاترا دیکھنے والے ایک نوجوان کی موت، 3 بچوں سمیت 38 زخمی

احمدآباد، 20 جون (ذرائع) احمد آباد کے دریا پور کڈیاناکا روڈ پر منگل کو ایک عمارت کی دوسری منزل کی بالکونی کا ایک حصہ منہدم ہو گیا۔ رتھ یاترا پر آنے والا ایک شخص اس کی زد میں آکر ہلاک ہوگیا۔ 3 بچوں سمیت



38 افراد زخمی ہیں جنہیں سول ہاسپٹل میں شریک کرایا گیا ہے۔ رتھ یاترا احمد آباد کے جمال پور میں واقع جگن ناتھ مندر سے صبح 7.40 بجے شروع ہوئی۔ تینوں رتھ شام 5 بجے دریا پور پہنچے۔ یہاں انہیں ایک مندر کے قریب تقریباً 15 منٹ تک روکا گیا۔ جب وہ کڈیاناکا علاقے میں پہنچے تو یہ حادثہ ہوا۔