حیدرآباد 31 جنوری 2026 (اعتماد نیوز) حیدرآباد ۔ ایک دل دہلا دینے والا واقعہ جس میں ایک ہی خاندان نے اجتماعی خودکشی کی آج صبح حیدرآباد کے مضافات میں واقع ضلع میڑچل میں پیش آیا۔تفصیلات کے مطابق اور اوپل کے علاقے میں واقع ہریتا ہرم کالونی کے سریندر ریڈی، وجے، اور چیتنا ریڈی نے چرلہ پلی اور گھٹکیسر ریلوے ٹریک پر ایک نامعلوم ٹرین کے سامنے چھلانگ لگا کر خودکشی کرلی۔مقامی لوگوں نے انہیں مردہ حالت میں پڑا
دیکھ کر فوراً ریلوے پولیس کو اطلاع دی۔ اس پر فوری طور پر موقع پر پہنچنے والی پولیس نے خودکشی کرنے والوں کو ایک ہی خاندان کے تین افراد کے طور پر شناخت کیا۔ بعد میں نعشوں کو پوسٹ مارٹم کے لیے منتقل کر دیا گیا۔ان کی موت کی وجہ مالی مشکلات یا گھریلو تنازعات سمجھیں جارہی ہے۔ پولیس نے کیس درج کر کے تحقیقات شروع کر دی ہیں۔ ہریتا ہرم کالونی میں رہنے والے اس پورے خاندان کے خودکشی کرنے سے علاقے میں غم کی لہر دوڑ گئی ہے۔