سکندرآباد میں عادی مجرم گرفتار، 41 گرام سونا برآمد

سکندرآباد ریلوے پولیس اور RPF نے مشترکہ کارروائی کرتے ہوئے ایک عادی چور کو گرفتارکرلیا۔ ملزم کی شناخت 36 سالہ اندیرا راجیش کے طور پر ہوئی ہے، جو نظام آباد کا رہنے والا اور پیشے سے کیب ڈرائیور ہے۔ پولیس کے مطابق ملزم سال 2009 سے مختلف جائیداد جرائم میں ملوث رہا ہے اور اس کے خلاف 22 مقدمات درج ہیں۔ ملزم نے سکندرآباد اور



کھمم ریلوے اسٹیشن حدود میں 3 چھیننے اور ایک چوری کی وارداتوں کا اعتراف کیا ہے۔پولیس نے ملزم کے قبضے سے 41 گرام سونا، جس کی مالیت تقریباً 5 لاکھ 83 ہزار 20 روپےہے، برآمد کرلیا۔ ملزم کو عدالتی تحویل میں بھیج دیا گیا ہے۔ یہ کارروائی GRP اور RPF کے افسران کی مشترکہ کوششوں سے انجام دی گئی، جس پر اعلیٰ عہدیداروں نے پولیس ٹیم کی کارکردگی کو سراہا۔