مولانا توصیف رضا مظہری قتل کیس میں اہم پیش رفت، ملزم گرفتار

مولانا توصیف رضا مظہری قتل کیس میں اہم پیش رفت ہوئی ہے۔ گورنمنٹ ریلوے پولیس (جی آر پی) نے 30 سالہ پنکج لودھی کو گرفتار کر لیا ہے۔ پولیس کے مطابق ملزم نے مبینہ طور پر نشے کی حالت میں مولانا توصیف رضا سے جھگڑے کے بعد انہیں چلتی ٹرین سے دھکا دیا، جس سے ان کی موت واقع ہوئی۔ بتایا گیا ہے کہ ملزم نے جرم کا اعتراف بھی کر لیا ہے جبکہ تحقیقات جاری ہیں۔

بہار کے ضلع کشن



گنج سے تعلق رکھنے والے مولانا توصیف رضا 26 اپریل کو بریلی میں تاج الشریعہ کے عرس سے واپسی کے دوران ہلاک ہوئے تھے۔ ابتدائی طور پر واقعہ کو حادثہ قرار دیا گیا تھا، تاہم اہل خانہ نے الزام لگایا تھا کہ انہیں تشدد کا نشانہ بنا کر ٹرین سے پھینکا گیا۔ اہل خانہ کے مطابق مولانا نے آخری فون کال میں اپنی اہلیہ کو بتایا تھا کہ کچھ لوگ ان پر حملہ کر رہے ہیں، جبکہ اس گفتگو کی ریکارڈنگ بھی موجود ہے۔