ممبئی کے شاپنگ مال میں آگ، کروڑوں کی مالیت کا نقصان

ممبئی ۲۳ اکتوبر (یو این آئی): جنوبی ممبئی کے گنجان مسلم آبادی والے علاقے بلاسیس روڑ پر واقع سٹی سنٹر شاپنگ مال میں کل رات بڑی آتشزدگی کے سبب کروڑوں کی مالیت کا نقصان ہونے کا اندیشہ ہے جبکہ آگ پر اب تک قابو نہیں پایا جاسکا ہے۔ اس سانحہ میں دو فائر مین کے زخمی ہونے کی اطلاع موصل ہوئی ہے۔ نیز کی ان حالت مستحکم ہیں۔

فائر بریگیڈ ذرائع کے مطابق ، مال میں آگ جمعرات کی رات نو بجے کے وقت لگی جب اس وقت مال کے



اندرتقریبا ٢٠٠ سے ٣٠٠ افراد موجود تھے جو آگ لگتے ہی محفوظ مقام پر پہنچ گئے۔

فائر بریگیڈ کے ایک عہدیدار نے بتایا کہ آگ بجھانے کے لئے ٢۴ فائر انجن اور ١٦ واٹر ٹینکر کی خدمات حاصل کی گئ ،جو اس چار منزلہ مال کی آگ کو قابو پانے میں مصروف ہیں۔ ذرائع نے مزید بتلایا کہ مال کے پڑوس میں واقع عمارتوں سے 3 ہزار افراد کو حفظ ماتقدم کے طور پر منتقل کیا گیا ہے۔

مال میں زیادہ تر موبائل کی دکانیں ہیں اور اس کی پرزے فروخت ہوتے ہیں۔