جموں کشمیر 2 فروری 2026 (اعتماد نیوز) جموں کشمیر میں آج صبح زلزلے کے جھٹکے محسوس کیے گئے۔ ریکٹر اسکیل پر زلزلے کی شدت 4.6 ریکارڈ کی گئی۔زلزلے کے جھٹکے کئی اضَلاع میں محسوس کیے گئے۔ جس وقت زلزلہ آیا لوگ نیند کی آغوش میں تھے۔ جنھوں نے جھٹکے محسوس
کیے وہ خوف کے مارے اپنے گھروں سے باہر نکل آئے۔زلزلے جھٹکے صبح5:35 بجے محسوس کیے گئے۔ زلزلے کا مرکز کشمیر کے ضلع بارہمولہ میں تھا۔زلزلے کے مرکز کے قریب ترین علاقوں میں چرار شریف، پلوامہ، سری نگر اور شوپیاں شامل ہیں۔ فی الحال کسی نقصان کی اطلاع نہیں ملی ہے۔