آندھرا پردیش 2 دسمبر 2025( ذرائع) آندھرا پردیش کے ضلع پرکاشم میں اس وقت سنسنی پھیل گئی جب اسکول بس کے ڈرائیور اور کلینر کے درمیان معمولی بحث دیکھتے ہی دیکھتے سنگین جھگڑے میں بدل گئی۔ اطلاعات کے مطابق بچوں کو لانے کے لیے بس روانہ ہونے ہی والی تھی کہ دونوں کے درمیان شدید تکرار ہوئی۔ مشتعل کلینر نے غصے
میں حد پار کرتے ہوئے پٹرول چھڑک کر بس کو آگ لگا دی۔اچانک بھڑک اٹھی آگ کی لپیٹ میں آکر ڈرائیور کو معمولی چوٹیں آئیں۔ خوش قسمتی سے اس وقت بس میں کوئی طالب علم موجود نہیں تھا، جس کے باعث کسی بڑی جانی نقصان سے بچا گیا۔ واقعے کے بعد مقامی لوگوں میں تشویش پھیل گئی جبکہ پولیس معاملے کی چھان بین کررہی ہے اور کلینر کی تلاش جاری ہے