دہرادون میں مسجد کی تعمیر پر ہنگامہ، بجرنگ دل نے کام رکوایا

ذرائع:

اتراکھنڈ کے دارالحکومت دہرادون میں شملہ بائی پاس پر واقع سیولہ کلن (Sevla Kalan) علاقے میں ایک مسجد کی تعمیر کو لے کر تنازعہ پیدا ہوگیا۔ مقامی رپورٹس کے مطابق، بجرنگ دل کے کارکنوں نے مسجد کی تیسری منزل پر جاری تعمیراتی کام کو غیر قانونی قرار دیتے ہوئے رکوا دیا۔ اطلاعات کے مطابق، وکاس ورما کی قیادت میں بجرنگ دل کے کارکن موقع پر پہنچے اور تعمیراتی کام کو زبردستی روک دیا۔ وکاس ورما نے الزام عائد کیا کہ مسجد کی تعمیر کے دوران سڑک کی زمین پر تجاوزات کی گئی ہیں، جس کے باعث



آمدورفت متاثر ہو رہی ہے۔ وکاس ورما کا دعویٰ ہے کہ اس معاملے میں 2017 میں بھی شکایت درج کروائی گئی تھی، لیکن اس کے باوجود تعمیراتی کام جاری رہا اور اب عمارت تین منزلہ ہوگئی ہے۔ اس  نے یہ بھی الزام لگایا کہ  سیولہ کلن (Sevla Kalan) کے بعض مقامی باشندوں کے مطابق، مسجد کی انتظامیہ ان سے مکانات خالی کرکے دوسری جگہ منتقل ہونے کے لیے کہہ رہی ہے۔ دوسری جانب، مسلم سیوا سنگٹھن نے ان الزامات کو مسترد کردیا ہے۔ اس معاملے میں تعمیر کی قانونی حیثیت اور تجاوزات سے متعلق الزامات کی آزادانہ تصدیق ضروری ہے۔