ونپرتی ضلع میں بھیانک سڑک حادثہ، تین کمسن بچون سمیت 5افراد ہلاک

ونپرتی: تلنگانہ کے ونپرتی ضلع کے کوتہ کوٹہ بائی پاس پر آج صبح بھیانک سڑک حادثہ پیش آیا۔ اس سڑک حادثہ میں تین کمسن بچون سمیت 5افراد ہلاک ہوگئے۔ جبکہ چار زخمیوں کو سرکاری اسپتال میں بھرتی کیا گیا ہے۔ بتایا جارہا ہے کہ حادثہ کاشکار کار میں جملہ 9افراد سوار تھے۔ حادثہ کے



بعد برسر موقع چار افراد کی موت واقع ہوگئی جبکہ اسپتال لے جانے کے دوران ایک بچی نے دم توڑ دیا۔ بتایا جارہا ہے کہ یہ لوگ کرناٹک کے بلاری سے حیدرآباد آرہے تھے۔ تاہم کار راستے میں ایک درخت سے ٹکراگئی۔ بتایا جارہا ہے کہ تیز رفتار ڈرائیوینگ کی وجہ سے یہ حادثہ پیش آیا ہے۔ پولیس ایک کیس درج کرکے مزید تحقیقات کررہی ہے۔