حیدرآباد میں ایک لڑکی نے نوجوان لڑکے کو شادی کے لیے اغوا کر لیا

حیدرآباد شہر کے اپل علاقہ میں تریشا نامی نوجوان خاتون کے ذریعہ ایک ٹی وی چینل میں اینکر کے طور پر کام کرنے والے پرناؤ نامی نوجوان کے اغوا کے واقعہ نے حیدرآباد میں افراتفری مچادی۔ تریشا جو ایک اینکر سے شادی کرنا چاہتی تھی اسے اغوا کر لیا جس کے بعد بالآخر پولیس کے ہاتھوں پکڑی گئی۔ معلومات کے مطابق تریشا نامی نوجوان خاتون ڈیجیٹل مارکیٹنگ کا کاروبار کرتی ہے۔ 

پرناؤ نے تریشا کی تجویز سے انکار کر دیا اور دیر رات اس کی قید سے فرار ہو گیا اور پولیس سے رجوع ہوکر ساری



تفصیلات بتائی، پولیس کی تفتیش میں پتہ چلا کہ یہ سب شادی کے لیے کیا گیا تھا۔ 

تریشا کے مطابق اس نے ایک شادی کی سائٹ پر پرناؤ کی تصویر دیکھی تھی اور اس نے پرناؤ کو پسند کرنے کے بعد اس سے شادی کرنے کا فیصلہ کرلیا۔ مزید جانکاری کے مطابق دراصل اینکر پرناؤ نے شادی کی سائٹ پر کوئی پروفائل تصویر نہیں لگائی۔ کچھ دھوکہ بازوں نے پرناؤ کے نام پر جعلی آئی ڈی بنانے اور پیسے کمانے کے لیے خاکہ بنایا تھا۔ اپل پولیس نے ملزم کو

گرفتار کرکے عدالت کے حکم کے مطابق اسے ریمانڈ پر بھیج دیا۔ اس معاملہ میں مزید تحقیقات جاری ہے۔