تلنگانہ کے مختلف علاقوں میں شدید بارش، دو افراد ہلاک

حیدرآباد: تلنگانہ کے کھمم ضلع میں چہارشنبہ کے روز دیوار گرنے سے ایک جوڑے کی موت ہوگئی کیونکہ ریاست کے کچھ حصوں میں خلیج بنگال میں شدید سمندری طوفان Michaung کے زیر اثر شدید بارش کا سلسلہ جاری ہے۔

یہ طوفان منگل کو پڑوسی ریاست آندھرا پردیش میں ساحل کو عبور کر گیا۔

یہ ہلاکتیں کھمم ضلع کے نیلاکونڈاپلی منڈل کے چیروو مادارم گاؤں میں ہوئی ہیں۔

حکام نے بتایا کہ منگل سے مسلسل بارش کی وجہ سے ایک مکان کی دیوار گر گئی۔ مرنے والوں کی شناخت پلئیہ (45) اور لکشمی (38) کے طور پر ہوئی



ہے۔

اسی ضلع کے اسواپورم منڈل کے بھیما ورم گاؤں میں شدید بارش کی وجہ سے چالیس بھیڑیں ہلاک ہوگئیں۔

غیر منقسم کھمم اور ورنگل اضلاع میں بھاری بارش سے فصلوں کو بڑے پیمانے پر نقصان پہنچا۔

کٹائی کے لیے تیار فصلوں کو نقصان پہنچنے سے کسانوں کو بھاری نقصان اٹھانا پڑا۔ موسلادھار بارش نے کچھ منڈلوں میں دھان، کپاس، مکئی اور مرچ کی فصلوں کو نقصان پہنچایا۔

نقصانات کی اطلاع کھمم، وائرا، اسواراؤپیٹ، یلندو، پیناپاکا اور پالیر حلقوں سے ملی ہے۔

متاثرہ کسانوں نے حکومت سے مطالبہ کیا ہے کہ وہ معاوضہ فراہم کرکے ان کی مدد کریں۔