بچوں نے مندر کے لیے کھیل کے میدان کی تجاوزات پر تلنگانہ کے چیف جسٹس کو لکھا خط

حیدرآباد: تلنگانہ ہائی کورٹ نے عادل آباد کے 23 بچوں کی جانب سے مندر کی تعمیر کے لیے اپنے کھیل کے میدان کی تجاوزات پر تشویش کا اظہار کرتے ہوئے چیف جسٹس آلوک ارادھے کو ایک خط لکھنے کے بعد قانونی کارروائی کا آغاز کیا ہے۔

خط کے مطابق، یہ زمین ایک پرانی ہاؤسنگ بورڈ کالونی میں ہے، جو 1970 کی دہائی کے آخر میں عادل آباد میں پسماندہ طبقوں اور پسماندہ لوگوں کی بہتری اور بہبود کے لیے قائم کی گئی تھی۔

قیام کے وقت بچوں کے پارک کم پلے ایریا کے لیے تقریباً 1.5 ایکڑ زمین مختص کی گئی تھی۔

تاہم، 2000 اور 2004 کے درمیان، اس جگہ کا تقریباً ایک تہائی حصہ غیر قانونی طور پر لوگوں نے اپنے قبضے میں لے لیا اور اسے ہندووں کے بھگوان شیو کے لیے وقف عبادت گاہ میں تبدیل کر دیا گیا۔

بچوں نے یہ بھی بتایا کہ حالیہ مہینوں میں زمینوں پر قبضے میں ملوث یہ افراد ایک اور مندر بنانے کے لیے باقی زمین پر قبضہ کر رہے ہیں۔

خط میں مزید کہا گیا کہ بچوں کے والدین اور کمیونٹی کے دیگر بزرگوں کی جانب سے حکام کو باضابطہ



درخواست جمع کرانے کے باوجود، متعلقہ حکام کی جانب سے پارک لینڈ کی غیر قانونی تعمیر کو روکنے کے لیے کوئی اقدامات نہیں کیے گئے۔ اس میں مزید کہا گیا کہ عادل آباد میونسپل کمشنر مبینہ تجاوزات کی حمایت میں ہیں۔

لہذا معزز عدالت پارک کے تحفظ کے لیے مدعا علیہان کو ضروری ہدایات جاری کرنے اورغیر قانونی تعمیرات کو نہ روکنے کے لیے متعلقہ حکام کے خلاف انکوائری کا حکم دیا ہے جو کہ عوامی پارکوں اور دیگر سرکاری زمینوں پر قبضہ کرنے والوں کو مدد اور مشورہ دے رہے ہیں۔ لائیو لا کی ایک رپورٹ کے مطابق چیف جسٹس نے لکھا پرانی ہاؤسنگ بورڈ کالونی عادل آباد میں واقع چلڈرن پارک کی اراضی کو انصاف کے مفاد میں تجاوزات سے بچائیں اور مناسب احکامات پاس کریں۔

چیف جسٹس آلوک ارادے اور جسٹس انیل کمار جوکانتی پر مشتمل ہائی کورٹ کی بنچ نے حکم دیا کہ متعلقہ فریق آئندہ عدالتی سیشن تک اپنی پیش رفت کے بارے میں تفصیلی اپ ڈیٹ جمع کرائیں۔

بنچ نے یہ بھی ہدایت دی کہ عادل آباد میونسپل کمشنر، جو مبینہ طور پر تجاوزات میں مدد کر رہے ہیں، ان کو کارروائی میں شامل کیا جائے اور قانونی نوٹس جاری کیا جائے۔