حیدرآباد کے نامپلی اسٹیشن پرچارمینارایکسپریس پٹری سےاترگئی،بعض مسافروں کو معمولی چوٹیں آئیں

ذرائع:

حیدرآباد:حیدرآباد کے نامپلی اسٹیشن میں ایک بڑاحادثہ ٹل گیا۔چارمینار ایکسپریس نامپلی ریلوے اسٹیشن پر پٹری سے اتر گئی۔ چنئی سے حیدرآباد آنے والی ٹرین نامپلی اسٹیشن پر رکتے وقت ڈیڈ اینڈ دیوار سے ٹکرا گئی۔ جس کے نتیجے میں ٹرین کی تین بوگیاں پٹری سے اتر گئیں۔ اس حادثے میں چند لوگوں کو معمولی چوٹیں آئیں۔

ریلوے حکام نے زخمیوں کو علاج کے لئے قریبی اسپتالوں میں منتقل کیا۔ اسٹیشن پر اترنے سے چند



سیکنڈ پہلے ٹرین کے پٹری سے اترنے سے مسافرخوف و ہراس میں مبتلاء ہوگئے۔بتایاجارہاہےکہ اسٹیشن میں دھیمی رفتار سےآگےبڑھ رہی تھی ورنہ ایک بڑا حادثہ پیش آسکتا تھا۔

ساوتھ سینٹرل ریلوے نے اس واقعہ پر ردعمل ظاہر کیا ہے۔بتایاجارہا ہے کہ ٹرین کے رکنے کے دوران پٹری سے اترنے سے ایک بڑا حادثہ ٹل گیا۔ اورکئی مسافر پہلے ہی اتر چکے ہیں اور بعض مسافروں کو معمولی چوٹیں آئی ہیں۔ ٹرین کی S2، S3 اور S6 بوگیوں کو جزوی نقصان پہنچنے کا انکشاف ہوا ہے۔