مسلم خاندان کو’جے شری رام‘ کا نعرہ لگانے پر کیا گیا مجبور، ممبئی جانے والی ٹرین میں پیش آیا واقعہ

ممبئی میں ایک مسلم خاندان کو مبینہ طور پر ایک حملہ کے دوران ہندوتوا کے ہجوم نے ’جے شری رام‘ کا نعرہ لگانے پر مجبور کیا۔ منظر عام پر آنے والے واقعے کی ہولناک ویڈیو میں جو مبینہ طور پر 24 جنوری کو فلمائی گئی تھی، اس میں دکھایا گیا ہے کہ ہندوتوا کے غنڈے ایک مسلمان شخص کی پٹائی کرتے ہیں جب کہ اس کی بیوی اور نابالغ بیٹی پنیول پولیس اسٹیشن کے سامنے مدد کے لیے چیخ رہی ہیں۔

یہ ویڈیو انٹرنیٹ پر منظر عام پر آئی اور تیزی سے وائرل ہوگئی۔

اطلاعات کے مطابق 19 جنوری کو مڈگاؤں ایل ٹی ٹی ایکسپریس میں سفر کے دوران 30-40 طلباء کے گروپ کی طرف سے ہراساں کیے جانے کے بعد مسلم خاندان پولیس اسٹیشن پہنچا تھا۔

متاثرہ آصف کے مطابق وہ اپنی بیوی اور دو نابالغ بیٹیوں کے ساتھ کنکاولی میں واقع اپنے گاؤں سے ممبئی جا رہا تھا جب یہ واقعہ پیش آیا۔ انہوں نے کہا کہ جیسے ہی وہ اپنی مخصوص نشستوں پر بیٹھے، تقریباً 30-40 نوجوانوں نے ’’جئے شری رام‘‘ کے نعرے لگانے شروع کردیئے۔ جب آصف اور اس کا خاندان خاموشی سے بیٹھا تو مزید لوگ شامل ہوئے اور "میرے بھارت کا بچہ بچہ جئے شری رام بولیگا" گانے لگے۔

آصف نے کہا، ’’میری بیوی واحد خاتون تھی جو برقعہ پہنتی تھی۔ گروپ ہمارے قریب آیا اور ہم سے جئے شری رام کہنے کو کہا۔ وہ زیادہ تر طالب علم تھے۔ 

آصف نے جب اعتراض کیا تو ان کے درمیان جھگڑا ہوگیا۔ انہوں نے ایک مقامی نیوز چینل کو بتایا کہ " انہوں نے ہماری نشستوں پر قبضہ کیا اور میری بیٹی پر چائے پھینک کر ہمیں ہراساں کرنا شروع کر دیا۔"

جب آصف نے ہجوم سے درخواست کی کہ وہ انہیں سکون سے چھوڑ



دیں لیکن وہ پیچھے نہ ہٹے۔ ان کا مزید کہنا تھا کہ ریلوے حکام کو آگاہ کرنے پر کچھ نہیں ہوا۔ "TC آیا، ہماری بات سنی اور چلا گیا۔ اس نے ہجوم کے خلاف کوئی کروائی نہیں کی‘‘۔

آصف نے کہا "میں نے ان کے استاد سے ان کے طالب علموں کے کالج اور نارواں سلوک کے بارے میں سوال کیا۔ میں نے ریل سیوا، مہاراشٹر کے نائب وزیر اعلی دیویندر فڈنویس اور وزیر ریلوے کو بھی اس واقعہ کے بارے میں ٹویٹ کیا ‘‘۔

"جب ہم پنویل پہنچے تو آر پی ایف نے ہم سے رابطہ کیا۔ اس بار، ہمارے کوچ کے دیگر ارکان نے بھی طلبہ کے بدتمیزی کے بارے میں شکایت کی۔ جب آر پی ایف نے طلباء کو پکڑنے کی کوشش کی تو ان میں سے چار فرار ہو گئے"۔

پنویل آر پی ایف ٹیم نے ہم سے ریلوے پولیس اسٹیشن میں شکایت درج کرنے کو کہا۔ آصف نے الزام لگایا، "تاہم، ہمیں کسی بھی وجہ سے پولیس شکایت درج کرنے کی اجازت نہیں دی گئی۔" آخر کار وہ کنکاولی پولیس اسٹیشن میں شکایت درج کرانے میں کامیاب ہو گئے۔

تاہم 24 جنوری کو آصف اور اس کے اہل خانہ کو کانکاولی پولیس اسٹیشن آنے کو کہا گیا۔ وہاں انہوں نے بی جے پی کے ایک لیڈر کی موجودگی کا الزام لگایا جس نے اس سے شکایت واپس لینے کا مطالبہ کیا۔ ’’جب میں نے انکار کیا تو تقریباً 15-20 آدمی آئے اور میرے کپڑے پھاڑ کر حملہ کرنے لگے اور مجھ سے ’جے شری رام‘ کا نعرہ لگانے کا مطالبہ کیا۔ میری بیوی اور بچے مدد کے لیے چیخ رہے تھے لیکن کوئی آگے نہیں آیا،” آصف نے کہا، انہوں نے مزید 11 افراد کے نام ایک اور شکایت درج کرائی۔

آصف نے کہا، "مجھ پر حملہ کیا گیا اور واقعہ درج کر لیا گیا، لیکن پولیس نے مجھ پر بھی مقدمہ درج کر لیا ہے اور مجھے مارنے والے افراد کو ابھی تک پکڑا نہیں ہے"۔