جموں و کشمیر میں دریائے جہلم میں کشتی الٹ گئی، 4 افراد جاں بحق

سری نگر: حکام کے مطابق کشمیر، سری نگر کے دریائے جہلم میں ایک کشتی جس میں زیادہ تر اسکولی بچے موجود تھے سفر کے دوران الٹ گئی، جس میں چار افراد ہلاک اور متعدد لاپتہ ہوگئے۔ حکام نے بتایا کہ کئی دیگر لاپتہ ہیں اور ریسکیو آپریشن جاری ہے۔ یہ واضح نہیں ہو سکا کہ کشتی میں کتنے لوگ سوار تھے۔

گزشتہ دو دنوں سے ہونے والی بارشوں کے باعث جہلم سمیت کئی آبی ذخائر میں پانی کی سطح میں اضافہ ہوا ہے۔ پولیس اور سول انتظامیہ



کے سینئر افسران امدادی کارروائیوں کی نگرانی کر رہے ہیں۔

جموں و کشمیر کے لیفٹیننٹ گورنر منوج سنہا اور کئی دوسرے لیڈروں نے اس واقعہ میں جانی نقصان پر دکھ کا اظہار کیا۔ کہا کہ وہ مسلسل صورتحال پر نظر رکھے ہوئے ہیں اور زمین پر ٹیم کی رہنمائی کر رہے ہیں۔

انتظامیہ سوگوار خاندانوں کو ہر ممکن مدد فراہم کر رہی ہے جنہوں نے اپنے قریبی عزیزوں کو کھو دیا ہے اور زخمی ہونے والوں کو طبی سہولیات فراہم کی جا رہی ہیں۔ نیشنل کانفرنس نے بھی اس واقعہ پر افسوس کا اظہار کیا ہے۔