وڈودرا میں جے پی نڈا کے خطاب کے دوران کمانڈو بے ہوش، لیڈروں کی بے حسی پر عوام کی شدید تنقید

ذرائع:

گجرات کے وڈودرا میں سردار ایٹ 150 راشٹریہ ایکتا یاترا کے دوران بی جے پی کے قومی صدر جے پی نڈا کے خطاب میں افسوسناک صورتحال دیکھنے میں آئی، جب زیڈ پلس سیکوریٹی پر مامور ایک کمانڈو طویل دیر تک کھڑے رہنے کے باعث گرمی اور تھکن سے اچانک بے ہوش ہوکر اسٹیج کے سامنے گر پڑا۔ حیران کُن طور پر اسٹیج پر موجود کسی بھی لیڈر نے اس جانب



توجہ نہ دی اور جے پی نڈا نے اپنی تقریر بغیر رکے جاری رکھی۔ بعد میں سیکوریٹی اہلکاروں نے کمانڈو کو اٹھا کر طبی امداد فراہم کی۔ سوشل میڈیا پر اس واقعہ کی ویڈیو وائرل ہونے کے بعد عوام نے اسے غیر انسانی رویہ قرار دیتے ہوئے شدید تنقید کی ہے اور سوال اٹھایا ہے کہ اگر اپنے محافظوں کے ساتھ ایسی بے حسی برتی جائے تو عام عوام کے لیے کتنی ہمدردی باقی رہتی ہے۔