مرشدآباد میں رام نومی جلوس کے دوران جھڑپیں، دکانوں کو آگ، حالات کشیدہ

ذرائع:

مغربی بنگال کے مرشدآباد کے رگھوناتھ گنج میں رام نومی جلوس کے دوران جھڑپوں کے بعد حالات کشیدہ ہوگئے۔ مشتعل افراد نے تقریباً 40 دکانوں میں توڑ پھوڑ کی اور کئی کو آگ لگا دی، جس سے فرقہ وارانہ تناؤ بڑھ گیا۔ واقعہ اس وقت پیش آیا جب جلوس مسجد کے قریب سے گزرا جہاں



جمعہ کی نماز جاری تھی، جس پر تنازعہ شدت اختیار کر گیا۔ عینی شاہدین کے مطابق ہجوم نے دکانوں اور مکانات کو نشانہ بنایا، جبکہ مقامی افراد نے پولیس پر تاخیر سے کارروائی کا الزام لگایا۔ پولیس نے لاٹھی چارج کر کے حالات کو قابو میں لیا اور تحقیقات شروع کردی ہیں، جبکہ سیاسی حلقوں میں اس واقعہ پر الزامات اور بیانات کا سلسلہ جاری ہے۔