نلگنڈہ میں لفٹ دینے والے کار مالک پر چاقو سے حملہ، لوٹ مار کی کوشش ناکام

تلنگانہ 3 فروری 2026 (اعتماد نیوز) لفٹ دینے والے کار مالک پر چاقو سے حملہ کرتے ہوئے اسے لوٹنے کی کوشش کا واقعہ تلنگانہ کے نلگنڈہ ضلع میں پیش آیا ۔تفصیلات کے مطابق نلگنڈہ ضلع مستقر سے ذاتی کام کے سلسلے میں اپنی کار میں حیدرآباد روانہ ہونے والے عمران نامی شخص نے راستے میں نارکٹ پلی کے قریب لفٹ مانگنے والے ایک نامعلوم شخص کو



کار میں بٹھا لیا۔چٹیال کے قریب پہنچتے ہی مذکورہ شخص نے عمران کی گردن اور جسم کے مختلف حصوں پر چاقو سے حملہ کرتے ہوئے اس کا موبائل فون اور نقد رقم چھیننے کی کوشش کی۔ شدید زخمی ہونے کے باوجود عمران نے مزاحمت کی، جس پر ملزم خوفزدہ ہو کر موقع سے فرار ہو گیا۔خون میں لت پت عمران کو مقامی افراد نے 108 ایمبولینس کے ذریعہ فوری طور پر ہاسپٹل منتقل کیا۔