گچی باؤلی میں چور نے پولیس پر فائرنگ کردی، اہلکار زخمی

حیدرآباد،1 فروری(ذرائع) گچی باؤلی میں آج شام فائرنگ کا واقعہ پیش آیا،  ہفتہ کی رات فائنانشل ڈسٹرکٹ، گچی بوولی کے ایک مشہور پب میں یہ واقع پیش آیا، جس میں ایک پولیس کانسٹیبل زخمی ہوگیا، چور کو پکڑنے گئی پولیس پر مشتبہ مجرم نے پولیس کی ٹیم پر گولی چلا دی۔

ملی معلومات کے مطابق، بٹولا پربھاکر، ایک مطلوب مجرم ہے جو مبینہ طور پر گھر میں چوری کے کئی معاملات میں ملوث تھا-

پربھاکر بھاگتے ہوئے پب میں گھس گیا، اور مادھا پور



سنٹرل کرائم اسٹیشن (سی سی ایس) کی ایک ٹیم، اس کا پیچھا کر تے ہوئے "پرزم" نامی پب میں رات 8 بجے کے قریب پہنچی۔

پربھاکر کو پکڑنے کی کوشش میں، سی سی ایس پولیس نے اسے ہتھیار ڈالنے کا انتباہ دیا اور اسے پکڑنے کی کوشش کی۔ تاہم، فرار ہونے کی کوشش میں، پربھاکر نے دیسی ساختہ پستول سے گولی چلائی، جس سے مادھا پور سی سی ایس ہیڈ کانسٹیبل وینکٹرامی ریڈی زخمی ہوگیا۔ 

گچی باؤلی پولیس موقع پر پہنچی، پربھاکر کو حراست میں لے کر پولیس اسٹین منتقل کر دیا۔