حیدرآباد کے الہ پور علاقہ میں نامعلوم شخص کی لاش دستیاب

ذرائع:

شہر حیدرآباد کے مضافات میں واقع الہ پور کی ایک سنسان جگہ میں ایک 40سالہ نامعلوم شخص کی لاش دستیاب ہوئی۔ مقامی افراد نے لاش درختوں کے درمیان پڑی دیکھی اورپولیس کو اطلاع دی۔ شبہ ہے کہ اس پرپتھروں اور تیز دھار ہتھیاروں سے حملہ کیا گیاتھا۔اطلاع ملنے پر الہ پور پولیس موقع پر پہنچی اور اس کا جائزہ لیا، پولیس نے کہا کہ جائے



وقوع سے سراغ اکٹھے کر لیے گئے ہیں اور سی سی کیمرے کی فوٹیج کی جانچ کی جا رہی ہے۔ مقتول اور قاتلوں کی شناخت کے لیے کوششیں جاری ہیں۔پولیس کو شبہ ہے کہ مقتول کو کہیں اور قتل کیا گیا ہے اور لاش کو یہاں پر ٹھکانے لگا دیا گیا ہے۔ آس پاس کے تمام پولیس اسٹیشنوں کو الرٹ کر دیا گیا ہے۔پولیس نے مقدمہ درج کرکے لاش کو پوسٹ مارٹم کے لیے گاندھی اسپتال منتقل کردیا۔