حیدرآباد: حسین ساگر سے برقعہ پوش خاتون کی نعش دستیاب

ذرائع:

حیدرآباد لیک پولیس کو ہفتے کے روز حسین ساگر جھیل سے ایک نامعلوم خاتون کی نعش برآمد ہوئی جس کی عمر تقریباً 22 سے 24 سال کے درمیان بتائی گئی ہے۔ شبہ کیا جاتا ہے کہ خاتون برقعہ پہنے ہوئے ہے۔ پولیس کے مطابق صبح تقریباً 11:40 بجے ایک راہگیروں نے جھیل میں نعش دیکھی اور فوری طور پر 100 ڈائل کر کے پولیس کو اطلاع دی۔ پولیس اور CLUES ٹیمیں موقع پر پہنچ



گئیں اور لائف سیورس کی مدد سے نعش کو نکال کر شناخت اور پوسٹ مارٹم کے لیے گاندھی اسپتال کے مردہ خانے منتقل کیا گیا۔ پولیس کے مطابق متاثرہ خاتون نے سیاہ رنگ کا لباس پہننا ہوا ہے، سفید لیگنگ اور سفید جوتے بھی  پہنے ہوئے ہیں۔اس واقعے کی نوعیت مشکوک ہونے کے سبب پولیس نے مشتبہ موت کا مقدمہ درج کر لیا ہے۔ پولیس پوسٹ مارٹم رپورٹ کا انتظار کر رہی ہے۔ اور شناخت کے لیے سی سی ٹی وی فوٹیج بھی چھان بین کی جا رہی ہے۔