حیدرآباد میں ایک اور نوجوان کا بہیمانہ قتل، ایک ہفتے میں تیسری واردات

حیدرآباد: شہر کے بالانگر پولیس اسٹیشن کی حدود میں آئی ڈی پی ایل بس اسٹاپ کے قریب 39 سالہ غفار نامی نوجوان پر نامعلوم افراد نے تیز دھار ہتھیار سے حملہ کر کے اسے بہیمانہ انداز میں قتل کر دیا۔ عینی شاہدین کے مطابق حملہ اتنا اچانک اور شدید تھا کہ غفار موقع پر ہی جان کی بازی ہار گیا۔ حملہ آور واردات کے بعد فرار ہونے میں کامیاب ہو گئے۔ اطلاع ملتے ہی پولیس جائے وقوعہ پر پہنچی، شواہد اکٹھے کیے اور نعش



کو پوسٹ مارٹم کے لیے اسپتال منتقل کر دیا۔ پولیس نے مقدمہ درج کرتے ہوئے مختلف زاویوں سے تحقیقات شروع کر دی ہیں اور ملزمان کی تلاش کے لیے خصوصی ٹیمیں تشکیل دی گئی ہیں۔ یہ واقعہ ایسے وقت میں پیش آیا ہے جب گزشتہ ایک ہفتے کے دوران شہر میں دو دیگر قتل کے واقعات بھی رپورٹ ہوئے ہیں، جس سے شہریوں میں خوف و ہراس کی فضا پیدا ہو گئی ہے۔ عوام کا کہنا ہے کہ بڑھتے ہوئے جرائم سے حیدرآباد کا امن و امان متاثر ہو رہا ہے اور پولیس کو فوری طور پر مؤثر اقدامات کرنے چاہئیں۔