علی گڑھ میں دھماکہ:ماں،بیٹی کی موت،دو زخمی

علی گڑھ ،13اکتوبر:-ضلع کے ہردووا گنج علاقہ میں گزشتہ شب پٹاخوں سے ہوئے دھماکہ سے ایک مکان منہدم ہوگیا جس سے اس کے ملبہ میں دبنے سے ایک خاتون اور ان کی بیٹی کی موت ہوگئی،جبکہ دو دیگر زخمی ہوگئے۔

پولیس ذرائع نے آج یہاں بتایا کہ



مذکورہ علاوہ کے جلالی قصبہ میں آتش بازی بنانے والے رفیقہ عرف پیکا کے مکان میں رکھے پٹاخو ں میں گزشتہ شب تقریباً ساڑھے دس بجے دھماکہ ہوگیا۔
دھماکہ کی وجہ سے اس کا مکان گر گیا اور ملبہ میں دبنے سے اس کی بیوی افسری(35) اور15 سالہ بیٹی طیبہ کی موت ہوگئی۔