فضائیہ کا مگ طیارہ حادثے کا شکار،پائلٹ کی موت

نئی دہلی،17 مارچ (یواین آئی) ہندوستانی فضائیہ کا ایک مگ -21 بائسن جنگی طیارہ آج حادثے کا شکار ہوگیا اور بدقسمتی سے اس حادثے میں طیارے کے پائلٹ گروپ کیپٹن اے گپتا کی موت ہوگئی۔

فضائیہ نے بدھ کو ایک ٹویٹ کرکے کہا،’’فضائیہ کا مگ -21 بائسن طیارہ آج صبھ وسطی ہندوستان میں واقع ایک فضائیہ بیس سے



پرواز بھرنے کے دوران حادثے کا شکار ہوگیا۔طیارے نے ایک جنگی ٹریننگ مشن کےلئے پرواز بھری تھی۔‘‘

ایک دیگر ٹویٹ میں فضائیہ نے کہا،’’فضائیہ اس حادثے پر دکھ اور تعزیت کا اظہار کرتی ہے اور متاثر کنبے کے ساتھ مضبوطی کے ساتھ کھڑی ہے۔‘‘

حادثے کی وجوہات کا پتہ لگانے کےلئے کورٹ آف انکوائری تشکیل دی گئی ہے۔