عادل آباد میں آئچر گاڑی میں اچانک آگ، بڑا حادثہ ٹل گیا

عادل آباد ضلع مستقر میں اتوار کی صبح پیش آئے ایک واقعہ میں چلتی ہوئی آئچر  گاڑی میں اچانک آگ بھڑک اُٹھی۔آئچر  گاڑی سوکھی گھانس  لیکر وینایک چوك سے انکوٹتا کی سمت جارہی تھی۔ جب گاڑی مسعود چوک کے قریب پہنچی تو اوپر لٹکی ہوئی برقی تاریں گھانس سے ٹکرائیں۔جیسے ہی تاروں کا رگڑ ہوا، لاری



پر لدے سوکھی  گھانس نے فوراً آگ پکڑ لی اور دیکھتے ہی دیکھتے شعلے تیزی سے پھیل گئے۔ تاہم، مستعد ڈرائیور نے فوری طور پر لاری روک کر نیچے اُترنے میں کامیابی حاصل کی، جس کی وجہ سے ایک بڑا حادثہ ٹل گیا۔

مقامی افراد نے موقع پر پہنچ کر آگ پر قابو پانے کی کوشش کی، بعد ازاں فائر بریگییڈ ٹیم بھی وہاں پہنچی اور آگ بجھائی۔ حادثے میں کوئی جانی نقصان  نہیں ہوا ۔