حیدرآباد 2 مارچ 2026 (اعتماد نیوز) حیدرآباد کے ایل بی نگر علاقے میں ایک کار نے کافی دہشت مچا دی ۔بائرمل گوڑا فلائی اوور پر تیز رفتار کار نے پیچھے سے ایک ڈی سی ایم گاڑی کو ٹکر ماری، جس کے بعد ڈیوائیڈر سے ٹکرانے پر کار میں اچانک آگ بھڑک اٹھی۔مقامی افراد نے فوری طور پر
پولیس اور فائر بریگیڈ کو اطلاع دی۔ موقع پر پہنچ کر عملے نے فائراِنچن کی مدد سے آگ پر قابو پالیا، تاہم کار مکمل طور پر جل کر خاکستر ہوگئی۔اس حادثے میں کوئی جانی نقصان نہیں ہوا، لیکن کار میں سوار ایک شخص شدید زخمی ہوگیا۔ پولیس کے مطابق حادثے کے وقت کار میں موجود افراد نشے کی حالت میں تھے۔